Hanapin Ang Sagot
Isinulat ni Ergoe Tinio at Margarita Santos
Iginuhit ni Aldy Aguirre
Alam mo ba kung bakit pinatalsik ng mga Pilipino si Ferdinand Marcos noong 1986?
Halika't magbasa, tumuklas, at maghanap
ng sagot tungkol sa kalayaan, karapatan,
at tungkulin ng bawat mamamayan.
Language: Filipino
Type: Softbound, full-color, 81 pages
ISBN:
978-971-9689-72-0
Year Published:
2023
TUNGKOL SA ILUSTRADOR
Si Aldy C. Aguirre ay manggagawang pangsining at ilustrador na nakabase sa Quezon City. Makikita ang marami sa mga likha niya sa mga librong pambatang inilabas ng iba’t ibang tagalathala at indipendiyenteng mga manunulat. Bahagi rin siya ng mga lumikha sa librong Si Kian, na naisama sa White Ravens Catalog ng International Youth Library sa Munich, Germany.
TUNGKOL SA MGA MANUNULAT
Bata pa lang si Ergoe Tinio, mahilig na siyang magbasa. Isa sa mga pinakaunang librong minahal niya ang diary ni Anne Frank, isang batang nagsulat ng karanasan niyang mapagkaitan ng karapatan. Sa pagdaan ng mga taon, nasaksihan niya ang katulad na mga panganib sa bansa natin mismo. Hanapbuhay ni Ergoe ang pagsusulat at pagsasalin. Isa rin siyang peasant advocate, kaya kahit wala sa trabaho, nagbabasa pa rin, nag-aaral, at nagsasaliksik para mas makilala ang mga magsasaka at iba pang mamamayang tumitindig para sa kalayaan, karapatan, at lupa.
Nagtapos si Margarita Santos ng Humanities, na may espesyalisasyon sa Art Management at Creative Writing, sa Ateneo de Manila University. Siya ngayon ang Programs Manager sa CASA San Miguel, isang sentro ng sining na pangkomunidad sa Zambales. Pangarap niyang maging art curator balang araw, para makatulong na mailapit ang sining sa lahat, lalo na sa kabataang nasa mga laylayan. Nagpapatuloy siya ngayon ng pag-aaral ng Curatorial Studies sa University of the Philippines sa Diliman.
BUY ONE, DONATE BOOKS TO JUAN
Every purchase of this book is matched with book donations to children from disadvantaged communities in the Philippines in support of CANVAS' One Million Books for One Million Filipino Children Campaign.